Già est issu.

Deo l’apo connotu e gia est issu,
sende chi b’apo puru arrejonadu,
cando un’agiùdu l’apo dimandadu
e issu a cor’in manu m’at promissu.

Ma, poi ’e pagu tempus at ammissu:
“chentza torracontu non b’at isfadu”,
e nudda at fatu e ne ateru m’at nadu,
antzis, paret si siat cumpromìssu

cun sos dimonios chi l’an pijadu,
e si l’an postu in logu seberadu
pro lu giugher cun issos a ispassu.

Chissà s’ancora faghet su gradassu,
ca mancari non l’epan fatu santu
nach’est su pius ricu ’e campusantu.

Franco Piga (Romana ‘SS’)
triulas 2006