Sos annos de sa mia gioventude
totu a lampu mi nne sun isparidos
los tènia pretziados e nodidos
pienos de energia e de salude
sa fìeresa onesta sas vertudes
chi cuntzepia cun friscos sentidos
oe ca cussos sunt fuidos
prego sinceru a Deus chi m'agiudet
m'at agiudadu dae senne minore
ca sanu m'at lassadu a donzi edade
gràtzias mannas dao a su Sennore
e como ca seo in s'antzianidade
prosigo galu cun amore
a stimare custa mia atividade.