S’Ortobene,
cussa ‘idda manna inghiarad’e montes,
baddes ermosas, basadas dae su sol’e mesudie,
tancas, livares,
crejas antigas,
chin apposentos umiles, ispozos
e palatos de nobiles e riccos.
Femminas fortes,
prenas de coratzu,
pastores, massajos,
teracos,
printzipales,
mastros de pannu,
omines de letze.
Su mundu de Grassia,
ranchid’e durche,
a modu sou,
est tott’in cussos contos,
operas mannas
chi comm’in donzi logu
sont connottas.
Istorias
de una terr’irmentigada,
ligad’a traditziones e usantzas,
in sos romanzos
semper bene sestados,
b’est s’isula pintada
chin dilicadesa.
Tottu cuss’amadu mundu,
che menzus tesoro,
lu tiniat istrint’in coro,
pro sa Sardign’intrea,
onor’e lughe, bantu,
de sa literadura,
Grassia, un’istella.

Grazia, una stella

L’Ortobene,
quel paese grande circondato dai monti,
valli stupende, baciate dal sole di mezzogiorno,
tancati, oliveti,
chiese antiche,
con camere umili, spoglie
e palazzi di nobili e ricchi.
Donne forti,
piene di coraggio,
pastori, massai,
servi,
printzipales,
sarti,
uomini di legge.
Il mondo di Grazia,
amaro e dolce,
a suo modo,
è tutto in quei racconti,
grandi opere
che adesso da ogni parte
sono conosciute.
Storie
di una terra dimenticata,
legata a tradizioni e usanze,
nei romanzi
sempre ben composti,
c’è l’isola dipinta
con delicatezza.
Tutto quell’amato mondo,
come il miglior tesoro,
lo teneva stretto al cuore,
per la Sardegna intera,
onore e luce, vanto,
della letteratura,
Grazia, una stella.

Opera terza classificata al Premio di poesia sarda“Santu Portolu Marieddu Masala“ di Silanus - 2017