Guturos

Gùturos ispinosos m’impedizant
de dare ‘essida a lìberos prenetos
mentres frundas d’isperas e isetos
in malos bentos truncant e trofizant,
ca sas friscas istiddas chi disizant
sicant in chentu laras de dispetos.

E da custos rualzos e fulcones
camineras d’’essida non nd’agato
ca paret chi si pudat su chi fato
imbiscadu in su ludu imbidiosu
de tantas limbas falzas chi su gosu
l’agatant solu in malas chistiones.

Tando mi frimmo fertu ma non mortu
a rimunire s’atza, in sos appeddos
de canes abbramidas e cateddos,
chi de nues m’ammuntant s’intrinada.
Su sàmbene m’apreto e cantu b’ada
pro rupire in s’iscuru pius tortu.

A totu paro fronte a tzufu reu,
cun sos ojos in fogu ‘e libertade
e cun sa limba paga piedade
nde mustro pro sos falzos pretzetores,
miserabiles giudas traitores
ch’in su male si buscant su recreu.

Si riunint che sos canes rundanos
ca sende solos fuint e sun viles.
Solu in trumas s’atrivint in cuiles
chi sena canes chilcant e pastores,
tatende sos istintos malfatores
sena arriscare cara e mancu manos.

Ma mudant chizu custos fariseos
si mustras debilesa o patimentu
e nudda ch’issos potant disizare.
Ti dant cussizos, bantidos, granzeos
ca sena s’oju puntu discuntentu
in tegus non nde podent agatare.

Las griso custas baddes arestadas
e bramo andare in campos semenados
inue creschent trigos tzapitados
cun s’araminzu sicu e boltuladu
e dogni ranu benit seberadu
pro lughere in sas colbes aupadas.

Sentieri

Sentieri irti di spine mi impediscono di dare sfogo ai miei desideri di libertà perché venti gonfi di cattiveria troncano e ritorcono le fronde di speranze ed aspettative della vita.

E da questi rovai irti di rami sechi non trovo vie d’uscita, perché pare che ogni cosa che faccio imputridisca invischiata nel fango dell’invidia di tante lingue perfide che trovano soddisfazione solo in petegolezzi colmi di cattiveria.

Allora mi fermo un attimo ferito ma non finito per riunire la grinta, fra i latrati di cagne rabbiose e cani di poco conto, che mi vogliono rovinare l’ultimo tratto della vita. Risveglio il sangue ed ogni altra risorsa per oltrepassare questa insidiosa oscurità.

Mi confronto con tutti senza cedimenti, con gli occhi che bruciano di libertà e senza alcuna pietà nelle parole verso i falsi precettori, miserabili giuda traditori che si divertono solo con la calunnia .

Essi si riuniscono come i cani randagi perché quando sono soli fuggono e sono vili. Solo in gruppo osano negli ovili che cercano privi di cani e di pastore, saziando l’istinto del male senza metterci la faccia e nascondendo le mani.

Ma questi farisei cambiano faccia se ti mostri debole o sofferente e non possiedi nulla che possano desiderare. Sono disposti a darti consigli, incoraggiamenti, gratificazioni perché non sei in grado di provocare la loro invidia.

Rifuggo da queste valli inselvatichite e desidero solo percorrere campi seminati dove cresce il grano mentre si secca la gramigna sradicata con la zappa e dove ogni chicco viene scelto per rilucere nelle corbule ricolme.

Agusto Piras
terza a biddanoa monteleone 2014