Happ’intesu sa zente frastimare
cussos astros d’ifferru interi campos
e terremottos aperinde arrampos
ch’intas sa cresia che pottat falare.

Happ’intesu s’abba tramudare
intas sas predas in mesu sos lampos
e arvores derruttos e istampos
e sos vulcanos torra murmurare.

Dimoniu vile‘al’ite prozettas
in custu mundu‘e penas risuluttu
intas grandine a preda tue ettas.

E ca non bastas tue po corruttu
de terroristas custu mundu infettas
su mundu tue has postu intro su luttu.

03/11/2016