Ricoveradu fis'in s'ispidale,
corcadu in d'unu lettu, addoloridu.
Sa bona sorte non t'at favoridu
Mario, et t'est sa cosa andada male.

Sa tua bella poesia orale
de l'intender sos sardos han finidu;
t'an dimustradu chi fist preferidu
finzas'a s'ora de su funerale.

Cun zente meda a s'accumpagnamentu
pro chi cunvintos non s'eren'ancora
chi morzat unu de raru talentu.

Commo chi as'in chelu sa dimora
li sias tue d'incoraggiamentu
a sa familia chi di pensat dogn'ora.