IN CUST’ERA…
Poesia cantada a cuncordu

Menzione donore al “Premiu Logudoro” di Ozieri
XXI Edizione Sezione Poesia religiosa 23 Novembre 2002

In cust’era fastizosa
S’ad’ispaltu unu fiore
Profumat sa terra de amore
Dat lughe a s’aera bugiosa.

In cust’era fastizosa…

Sunt belande cuddas amas
Adorande a su Messia
Sunt cantigos de anninnia
Isperas de babbos e mamas.

Sunt belande cuddas amas…

Sas companas festagiolas
Sonant forte a ballu tundu
S’intendet in totu su mundu
Su ritimu de sas caròlas*.

Sas companas festagiolas…

Sos Cuncordos e Cunsonos
E sas boghes de tenore
Saludant a Nostru Signore
Pregande a nos fagher prus bonos.

Sos Cuncordos e Cunsonos…

De cudd’umile fiore
Si nde contet meraviza
Atzendat in su Duamiza
Signales de paghe e amore.

De cudd’umile fiore…

Caròla: antico ballo in tondo solitamente accompagnato dal canto.

Antoni Piras