Coro no apo a mi corcare
In custa note de angùstia,
Solu a tie cherzo pensare
Ca ses Tue sa vida mia!

Non ti peset su piantu
Si, in làgrimas so pro a tie,
Ti dia cherrere nàrrere cantu
Mi mancas note e die!

Sos muros de custa domo
Ch’amus sonniadu umpare,
Mudos sunt che pedra, como
Paghe non poto agatare!

In su muru sa chiterra
Sonu no at nen melodia,
Totu nd’est faladu in terra
In sa domo tua e mia!

Serio in palas note e die
Sa rughe chi pesat tantu,
Non b’at prus pro a mie
Nen festas e nen incantu!

Comente t’apo amadu,
Bene meu istimadu!
De veru amore t’amo.