Son solu jogos de paraulas

In dies Bagadias
di Giovanni Chessa

In dies
gherramus,
su chi eris
manizzaimmus.
Cuguzamus
in chea
carre e suzzone.
Isconzamus,
dirruimus.
predas e conchedhos,
umbe ana ausentu
cannedhas
de carre segada.
Colamus arvada
in terrinu,
e sale
prenadu.
Innidos laores
allizzados
dae fogos
messammus.
Sue eris
cuguzamus.
De oje
amantiamus
su chi crasa
immentigamus.
No es tipitiu,
pezi pruere pesamus,
l’entulamus
a frinas...
de zelocco udhidu.
Tentogliu
isetat
sole e mesudie,
chi lavras sididas
carpidas,
fresadas,
biana
dae pranta
e manos
sa sicagna.

15/10/2007