In s'ammentu, Maria
di Larentu Pusceddu

In s'ammentu, Maria
ses che rosa
chi non si siccat mai.
Est sa zoventura
ch'est morta
paris cun s'isperantzia.
Non ses mia,
che tando, sorridente
a sa vida e gioiosa
de m'ischire innamoradu.
Non fit solu amore
su nostru, ma unidades
che renas in sa riva,
che arbores in buscu,
che abbas in su mare.

Sos ocros tuos
birdes che lagu incantadu
fin ispricos de bellesa
inue miraia su coro meu.

Sas manos che arbadas
araian sa terra
de sa felitzidade
oe che neula isparida
a primu sole.
Intendia su sale
in sas laras tuas
abbertas a su risu
che surcu ch'isettat ranu.
Ma s'amore nostru
dae tempus s'est siccadu.

(3° Premiu - "Meilogu" Puttumajore 1978)