INNO DI GUERRA

Dulce et decorum est pro patria mori
Horatius

1

Frades mios, parade coro forte,
de bos fagher unore accolla s'ora,
blad'a bois chi hazis custa sorte,
o fizos de s'antiga Eleonora!....
Curride volontarios a sa morte,
pro s'Italia, nobile Segnora,
o si o no che Amsicora bos bocchide!

2

A s'affligida Trento ajò mirade,
a Trieste e a Pola fin' a Zara,
de S'Adriacu mare s'unda amara,
cum s'impidu in dulzura cambiade!
Ogn'homine bos siat unu frade,
ogni femina sorre o prenda rara,
ca sezis de tutt'una raighina,
rampu 'e Roma in alvure latina!

3

Chie morit in gherra est immortale
Chie restat in domo est avvilidu:
s'idea dat consolu a su feridu
e in presse l'alleviat su male;
ogni uttiu de sambene est signale
de suave giardinu floridu....
Chie morit gherrende mai morit
ca in Eternu durat e fiorit....

4

Duncasa ,coraggiu,pro chi est unu giocu
pro so sardos eroes sa battaglia!
Una dansa si ballat in su fogu,
flautu e violinu sa metraglia.
ma non timen sos canes de iscaglia
de ruper cun ardore in d'ogni logu.
Coraggiu,frades mios, in sa gherra,
chi bos faghet unore Chelu e Terra!

5

Ma si torrades sanos cun vittoria
comente ispero e finit su fragellu,
de fiores bestide ogni vascellu,
de lumeras sas domos pro memoria!
Tando finza sos mortos in sa gloria
Ten intonare un'innu pius bellu....
Como dade a sos bentos sa bandera
alta, contra sa zente furistera!
6

Oberdan, primu tue eni gentile,
o martire biundu triestinu!
Cono no est s'Italia pius vile
ca Roma cun s'ispada est in caminu
de su samben chi giuttu has in su sinu,
forma bellas ghirlandas de abrile,
e de haer tardadu la perdona
e che fizu distintu la incorona!

Giuseppe Calvia Mores - giugno 1915