Inue s'ispica est coro

Inue s'ispica est coro
di Larentu Pusceddu

Lassade sas turtures bias!
Lassade sas culumbas bolare!

Armada de farche est sa nue,
niedda che-i sa morte,
pro messare in laores
inue s'ispica est coro,
inue s'istula est corpus,
inue sa culumba de sa pache
e sa sa turture amorosa,
lassan prumas in terra
pro narre: "Semus istadas",
innantis chi s'astore
famidu las iscratzet.
Como s'istula est deserta,
e solu sas corroncas
bi sinnan bolos piedosos.