Istagione rara
di Maria Luisa Pisanu

A Peppe Concas cun afetu

Sas "Rimas de Campagna" an dadu resa
fmas si cumpariana un' 'utiu,
e, posca, cun "Sa Musa 'Olotanesa",
b'amus campadu un'aterun'istiu.

Ocannu sa "Funtana Coronesa"
de versos iscasciadu at unu riu,
sa prossima puntada est a sorpresa
e si la godat chie restat biu.

Est arbeschinde un'istagione rara
e, chi passet Bolotana a s'istoria,
sa zente nd'at orgogliu e piaghere.

Poninde fatu a Desulu e Tonara,
ch'oscuret de Bonorva sa memoria,
sa fama 'e Iddanoa e Macumere.

Bolotana, 2010