Oe puru su chelu a minattas,
cun su entu faghe’ soziedade,
triulende arvures’ e mattas,
sa natura si olta chena piedade.
Beranu e istiu traitores,
su sole endende sun’ a rattas,
no giompene ne fruttos ne laores.
Isperanzia no hamus de mare,
paraquas faghen de ombrellones,
abbas dai chelu pro nadare,
a revessu benin sas’ istajones,
o Deus como est’ istraccu,
o puru est pedende sa pijone,
a sa zente de custu mundu maccu,
chi tottu distrue chena rejone.

Ollolai, 12/06/2016