Istranzu in domo tua
di Nino Fois

Che fàuna 1 istérrida
in malesa 2
covacadu as sazos 3 e roccalzos
e passadu ses istranzu
in domo tua,
disconnottu, 4
persighidu che crabolu.
Che pedulianu 5
ses andadu,
mere de dies benidoras, 6
istigas lassende manantiales 7
e prommissas lughìdas
de oras giaras...
Su sàmben in custa terra
as derramadu 8
e redìmidu
nos as dae su peccadu
sa rughe isparghende
che bandela.
Pidìnu 9 mannu
de sa torrada tua
a sos coros nostros afflittidos
as intregadu 10
che lughe in ojos de agonia
cando su fogu
che caddu iscoittende
sémidas devucas de corrutu
sestat in sa carena.

E ti che ses boladu
cun sa pramma in manu
sas aeras abberzende a sas isperas.
E as a torrare
a s'interighinada de su tempus
pro allugher
s’avreschida de sos chelos
ue amus a istranzare
che padronos.

_____________________

1 fàuna: coltre
2 malesa: boscaglia, cattiveria, cespuglio, perversione, sterpaglia.
3 sazu: spina, stecco
4 disconnottu: disconosciuto, ignoto, incognito, sconosciuto
5 pedulianu: accattone, barbone, mendicante, mendico, pezzente, povero
6 benidore: avvenire/1, divenire/1, futuro, posterità, seguente, veniente, venturo
7 manantiale: perenne
8 derramadu: profuso, sparso, versato
9 pidinu: assillo/, pensiero, preoccupazione, rovello
10 intregadu: affidato

21.10.07

Primo Premio al Premio di poesia in lingua sarda "Saboris e coloris de Iscroca" di Escolca