Poesia de Nadale po sos pitzinnos de iscola
IT’EST CUSTA MATANA?

IT’EST CUSTA MATANA?
IT’EST CUST’AVOLOTU?
A ‘NU’EST ANDANDE TOTU
CUSTA ZENTE?

UN ISTEDDU LUGHENTE
LIS INDITAT SA VIA,
LIS FAGHET CUMPAGNIA
IN SU CAMINU.

A BIER SU BAMBINU
CH’EST TORRAD’A SA TERRA
PO FRIMARE SA GHERRA
IN DOGNI LOGU.

PO ATZENDER SU FOGU
DE S’AMORE IN TOTUE.
AJO’, A B’ENIS TUE?
E TUE PURU?

DEO B’ANDO DE SIGURU!
TOTUCANTOS ANDAMOS!
PERO’, ITE LI NAMOS
A GESUSU?

CHI PREGHET DE PIUSU
PO DOGNI PECADORE
E PO DOGNI MINORE
CHE A MIE.

CHI CRESCHEMUS GOSIE
CUN SA SUA GUIDA
AFRONTANDE SA VIDA
IN BONORA.

ANDAMOS, CA EST ORA!

Antoni Piras - Nadale 2005