L’ANT MORTU A MESUDIE
di Antoninu Rubattu

L’ant mortu a mesudie
cun una rosa ‘e sole.

In pettus l’est restadu
unu suspiru ‘e prumu.

In ojos duas tittas
prus manna de sa Luna.

...........

In sa pèlcia ‘e s’amore
chirchende fit dellìriu.

..........

L’ant mortu a mesudie
cun una rosa ‘e sole.

Rosàrios de sonazos
in s’umbraghe ‘e sos chercos.

Urtinzos in sos littos
d’istrias e matzones.

Sas dentes a sos canes
nde ruent a s’appeddu.

.........

L’ant mortu a mesudie
cun una rosa ‘e sole.

Ahi rosa, ite coraddu.
Ahi pettus, ite rosa.
Ahi pèlcia chen’amore.