Làcrimas e isperas

Sas frinas de su sero
trazan
bolos d’alipeddes
e puru… in altu
pendet una Luna manna
ch’imbozat a sonniare!
Làgrimas e isperas
in custa Terra antiga
s’intritzan dae sempre
in un’andare arcanu.
Ùngias addolimadas
frazas
bórtulan dae sempre
pedras e roccarzos
e corvos e benturzos
disignan de continu
sémidas de morte.
Làgrimas e isperas
in sas pinnettas fumosas,
in ojos a barveghes
labadas de fogu,
famidas dae mill’annos.
Isperas a beranu,
isperas a mizas!
Bértulas bóidas
e làgrimas alluttas
a s’incunza,
in s’atunzu,
cun su ‘entu ‘e Susu
ch’ammuntonat fozas siccas
solamente!
Làgrimas e isperas
in s’adiu de s’emigrante,
in s’ùrulu de s’isposa
imbattiada dae su frade!
Làgrimas e isperas
dae s’avréschida a s’occasu
in tottue
in custa Terra antiga.
Làgrimas e isperas
dae sempre…
pro sempre.

Lacrime e speranze

Le brezze della sera
trascinano
voli di pipistrelli
eppure… in alto
pende una grossa Luna
che invoglia a sognare!
Lacrime e speranze
in questa Terra antica
s’intrecciano da sempre
in un andare misterioso.
Unghie indolenzite
consunte
rovesciano da sempre
pietre e rocce
e corvi e avvoltoi
disegnano continuamente
meridiane di morte.
Lacrime e speranze
nelle pinnette fumanti,
negli occhi delle pecore
cerchiate di fuoco,
affamate da mille anni.
Speranze a primavera,
speranze a bizzeffe!
Bisacce vuote
e lacrime infuocate
al raccolto,
in autunno,
con il vento del Nord
che ammucchia foglie secche
solamente!
Lacrime e speranze
nell’addio dell’emigrante,
nell’urlo nero della sposa
resa vedova dal fratello!
Lacrime e speranze
dall’alba al tramonto
ovunque
in questa Terra antica.
Lacrime e speranze
da sempre…
per sempre.