|
In Pianu di Casteddu alliniaddi
so pronti pa’ farà li candareri,
tutt’e ottu be’ acconzi e curunaddi,
e li betti li rèndini lizzeri.
In punta bandereddi e bora
bora
e lamareddi d’oru e li fiori:
chiddu di li trapperi ha lu bagliori
di l’amori dibinu chi cunsora.
Fàrani cun sussegu
suddrunaddi,
tra lu pòbburu nostru mattrufferi:
lu sìndaggu e la giunta so acciaraddi
cun tutti l’invittaddi furistheri.
Si l’ischigli li
pònini chisth’annu,
com’àggiu intesu ch’hani in pinsamentu,
bedd’e cazzaddu abemmu dugna affannu
e ottenuddu lu migliuramentu!
E candu fara l’ùltimu
e s’avvìa
s’intona la marcetta d’occasioni,
s’intrega a li Massai la bandera.
La mùsigga? Ti fazi
immintiggà
la suffarènzia d’oggi e di dumani,
tempi migliori fazi disizà!
Fara sìndaggu e
giunta i’ la carrera
tra la gentòria ch’anda a lu turroni
cun pìffaru, tamburu e alligria.
L’alligria no mori
parchì l’hani
tutta la genti chi vo migliurà,
fraddeddi tutti i’ li trabagli umani!
|
