1.
Dae sa libertade a s’interessu
sun sos animos bonos disdignados,
sos malignos caminan in progressu
de raggiros e astuscia preparados.
Sos trabagliantes sun tottu in regressu,
sun trobeidos tottu e manettados
dae sos pelandrones istrotzinos
chi s’accaparran domos e terrinos.
2.
Domos e terras sun accaparrende,
logu mancu lassan de passare,
acciapadu su biculu e serrende
su cunzadeddu, a tanca po formare.
Astutzias malignas sempr’usende
po s’onestu sas cosas a li leare:
si custos non lis benden volenteris
preparat cravattas e cravatteris.