Limba sarda
de Fabio Forroia

Lìmba sàrda, lìmba chi ses molzènde
faeddhàda dàe prìmu alénu e vìda
Dàe mannéddhos e bàbbos ’attìda
a nòis chi ti semus ismentighènde.

Oh pizzìnnos…la semus imbruttènde
cun sa continentàle introduìda,
lìmba istrànza…chi fàtta s’essìda
dae sa nostra chi est offendènde.

Cun sacrifìscios nos est arrivida,
sa lìmba ca in còro so cantènde
lìmba ca intèndo intro fiorìda.

Lìmba chi solu su sàrdu cumprènde
proìtte in sa pèddhe est imprimìda,
pàgos ma fiéros ti semus aldiènde.