Sa luna in beste ‘e prata
paret ‘izende fizos
chi no agatant bàlsamu pro penas;
istellas coidosas
sas lughes aparitzant
in bancas ricamadas de isperas;
s’istella cun sa coa,
rundana de su chelu,
in press’ispiconende nos ispantat;
est cùmbidu’e isposos
in safatas de pagh’ assetiadu.

S’ispera de su sole
m’ischidat su manzanu
in bàntzigos pienos de promissas
suladas dae bentos
chi benint dae mare,
cun nuscos de sas làgrimas antigas
alciadas a su chelu,
faladas in butios,
pro ch’ istudare brajas de dolore.
Acudit su sulenu
in logos chen’istigas de afannos.

Nde fato loromeddos
ch’in s’ànima remonzo
pro los isvoligare in oras tristas,
e fàghere isciallitos
chi caentant carena
in temporadas malas ierriles,
e mi nde fato grabbos
a zente cara mia;
s’incunza de sa lughe beneita
est trigu ‘e carestia
in sos asprinos padros semenadu.

________________

Gomitoli di cielo

La luna vestita d’argento
sta vegliando i suoi figli
che non trovano sollievo per il loro dolore;
stelle premurose
apparecchiano le luci
sui tavoli ricamati di speranze;
una stella cometa
vagabonda nel cielo,
mettendosi in mostra ci stupisce;
è il rinfresco degli sposi
allestito in vassoi di pace.

La luce del sole
mi sveglia al mattino
cullandomi con tante promesse
soffiate dal vento di mare;
profumano di lacrime antiche
innalzate al cielo,
scese in gocce di pioggia
per spegnere le braci del dolore.
Arriva il sollievo,
nei prati si cancellano le impronte delle pene.

Preparo dei gomitoli
che conservo nell’anima
per svolgerli nelle ore tristi
e preparare scialletti
che riscaldano i corpi
nelle fredde tempeste invernali;
li offro anche ai miei cari:
il raccolto di luce benedetta
è grano per la carestia,
seminato nei campi
che un tempo erano sterili.

Terzo premio al Concorso Santu Antinu di Sedilo 2022