Lu grigliureddu
di Gildo Montroni Deledda (Montior)

Grigliureddu, chi canti a notti fatta
i’ li nosthri istrintogli di l’Isproni,
no cridì chi mi dògghiani cumbatta
chisthi chi canti lenti to’ canzoni.

Canta! Biadd’a te, chi i’ lu balchoni
finz’a candu lu cori ti si isciatta
ind una gabbiedda, ti z’iscatta
la bozi, e no ti pari assé in prisgioni!

Dumani poi t’incontrarani morthu:
una cosa chi pari una sasàia:
sarai mundaddu i’ lu so’ boccaporthu.

Sempri chistha è la sorthi d’un pueta:
s’arraiurèggia e no si pasa mai,
e poi veni la morthi e la chieta.