Luttios de lástima sumin
cun sas dólimas de su tempus.
Dae sas feridas de sos annos:
benas de connoschentzia.
Dae sas pijas de sa cara:
sinnos de sa bisera in sa terra.
Dae su nidu de sa vida mia allozada
siddadu de lughe disterrada.

Sumin dae su Pensamentu:
Ispantu in su boidu de su ‘entu
fizu de sa Peráula
essentzia de su Verbu.

Sumin dae sa fadiga cojuáda
a su corpus meu ispozadu de s’ego
prontu a si che torrare in s’aéra:

Abba tzega ingraidada de ammentos
barca a vela de un’anima bianca
ghiáda dae unu ‘entu chi cantat
subra sas alas de unu sonniu
tundu chéi su mundu
a biere finas a si dirmajare
su mare pius profundu.

Sumin dae s’impuddile a s’iscurigada
dae sa cuntentesa de s’Essere meu:
Semene de lughe pro isvelare s’ignotu
misteriu de presentzia e assentzia
cagliadu e cuádu dae su Mudore
die pro die
sididu de Amore.

_____________

GOCCE DI COMPASSIONE

Gocce di compassione stillano
con le doglie del tempo.
Dalle ferite degli anni:
sorgenti di conoscenza.
Dalle rughe del volto:
segni della maschera nella terra.
Dal nido della mia vita abitata
tesoro di luce esiliata.

Stillano dal Pensiero:
Stupore nel vuoto del vento
figlio della Parola
essenza del Verbo.

Stillano dalla fatica sposata
al mio corpo spogliato dell’io
pronto a ritornare nell’aria:

Acqua cieca fecondata di ricordi
barca a vela di un’anima bianca
guidata da un vento che canta
sulle ali di un sogno
rotondo come il mondo
a bere fino a svenire
il mare più profondo.

Stillano dall’alba al tramonto
dalla gioia del mio Essere:
Seme di luce per svelare l’ignoto
mistero di presenza e assenza
taciuto e nascosto dal Silenzio
giorno dopo giorno
assetato d’Amore.

PREMIO ANSELMO SPIGA 2022 San Sperate – 3° premio poesia lingua sarda