| M’as
a torrare in mente
di Giangavino Vasco
M’as a torrare in
mente donzi die
de custu atunzu tristu ch’est bintrande.
Ap’a pensare sempre sol’ a tie
cando colande, solu, in cussa ‘ia
t’ap’a bider cun megus caminande,
sa manu tua istrinta cun sa mia.
E de sos ojos tuos su colore
ap’a chircar’ e bider in su padru,
inube, ismentigadu, calchi frore
nde potat tenner nessi un’assimizu,
mancari como custu tempus ladru
m’epat cuadu ‘e issos su lampizu.
M’at a torrare in
mente sa dulcura
de cussa ‘oghe tua, faeddande
de sa vida, chi gosos e tristura
t’aiat in su tempus riservadu;
e deo, a costas tuas, iscultande,
cunfortu, a coro abbertu, t’apo dadu.
E de sa vida mia donz’anneu
apo contadu a tie deo puru,
de cando bidu apo onzi recreu
isvanessinde in nues de tempesta,
chi bettadu ch’aian in s’iscuru
sas dies chi bestidas fin a festa.
T’ap’a chircare
in bisos e in folas
chi mi che len un’ora a costas tuas;
si puru, posca, torra ti che ‘olas,
m’at’ abbarrare nessi calchi ammentu;
e cussas dies dìligas e cruas
m’an a torrare in mente, e so cuntentu.
|
Mi
ritornerai in mente
di Giangavino Vasco
Mi ritornerai in mente
ogni giorno
di questo autunno triste che è alle porte.
Penserò sempre solo a te
quando passando, da solo, in quella via
ti vedrò camminare con me,
la tua mano stretta nella mia.
E dei tuoi occhi il colore
cercherò di scorgere nel prato,
dove, dimenticato, qualche fiore
ne possa avere almeno una somiglianza,
nonostante questo tempo ladro
mi abbia nascosto il loro luccichìo.
Mi ritornerà in
mente la dolcezza
della tua voce, parlando
della vita, che gioie e tristezze
ti aveva nel tempo riservato;
ed io, al tuo fianco, ascoltando,
ti ho dato conforto, con il cuore aperto.
E della mia vita ogni affanno
ho raccontato a te anch’io,
di quando ho visto ogni gioia
svanire in nubi tempestose,
che avevano oscurato
i giorni vestiti a festa.
Ti cercherò in sogni
e in favole
che mi portino per un’ora vicino a te;
seppure, dopo, volerai via di nuovo,
mi resterà almeno qualche ricordo;
e quei giorni delicati e crudi
mi torneranno in mente, e son felice.
|
