Fuende, passa sa vida,
chi puru in s'istentare,
primma' esse' fuida,
has tempus de amare.

Lestra passad' a bolu,
intro de cussos pannos,
in cumpagnia o solu,
però pro tantos annos.

Ancora gai imparas;
e cantu ses bidende,
est' iscrittu in sa cara,
su tempus caminende.

Eppuru sa bellesa,
de podere ammentare,
ancora a sa ezzesa,
si cheren' iscultare.

De tando in pizzinnia,
c' ''ancora'' s' est fuende,
frimmare la cheria,
ma no si pode prende'.

Custa no est' tristesa,
solu malinconia,
umpare a fieresa,
de custa vida mia.

Marnate (VA) 30/01/2015