Mama
Rosina Cossu

Deus t’hat postu duas alas d’anghelu
E cun amore ti cada pigadu a chelu.
Como vives serena e cun dulcùra
No intendes ne’ dolore ne’ amargura.
--------Ma canta tristura nos has lassadu in coro.

Miranos como dae su firmamentu
E liberanos da dispiagheres e turmentu.
Ses istada mama sabia e premurosa
Femina sincera, dulche e amorosa
--------Pro tottu haias peraulas de cunfortu.

Oriolu tou sempre funti sos fizos
e già nos has pesadu comente lizos.
Mai t’hamus, oh mama. immentigare
notte e die, sempre, t’hamus a pensare.
--------S’ammentu tou sempre in coro hat a restare.