Manus
Trinnit sa discua
in s’interis chi manus tremi-tremi
dd’accostant a larvas frunzias.
Manus ossudas
che arrampus de olieddu
chi gherrat cun su tempus.
Manus trumentadas
chi surrungiant sa paxi
stuggiada in d’unu bucciconi nozenti.
Manus stasias
avvesas a ammatuai,
cun s’aqua piscad’e funtana,
su pomentu de coxinas umbrosas
fumosas de ammentus;
a cumossai sa farra,
spigada in stulas allenas,
e a ndi bogai de su forru
canteddus incispiaus de soli
e coccoieddus pinzellaus de luxi;
a si giogai cun meurras andarinas
bagas chi asulettant sa bucca
e pisus de sanguni graidus di ollu.
Manus arbigadas
de s’aqu’e sa ni
chi cantat e cantat
in cardax’e lissìa
fragosa de lau e de pampa.
Manus de jana,
lebias che alas de mariposa,
chi sanziant brazzolus
anninniendi sa vida
e cosint is bisus
cun sogas de prata e de speru.
Manus chi aspettant,
in su scuriu de sa notti,
una manu amorosa
chi alluat sa luxi.
Manus de mamma mia. |
Mani
Tintinna la tazza
mentre mani tremolanti
la portano a labbra rugose.
Mani ossute
come rami d’olivastro
che lotta con il tempo.
Mani tormentate
Che rimpiangono la pace
Custodita in un pugno innocente.
Mani stremate
Abituate a rassodare,
con l’acqua pescata nel pozzo,
il pavimento di cucine ombrose
fumose di ricordi;
a lavorare la farina,
spigolata in campi altrui,
e a sfornare
focacce screziate di sole
e coccoieddus spennellati di luce;
a contendere a merli giramondo
bacche che colorano la bocca
e semi di sangue gravidi d’olio.
Mani bruciate
dall’acqua di neve
che canta e canta
nel calderone del bucato
odoroso d’alloro e di fiamma.
Mani di jana,
leggere come ali di farfalla,
che dondolano culle
ninnando la vita
e cuciono i sogni
con fili d’argento e di speranza.
Mani che aspettano,
nel buio della notte,
una mano amorosa
che accenda la luce.
Mani di mia madre. |
