Mari
(Làccana di lu sintitu… bólu di fantasia…)

… E è chistu mari folti
chi ill’affagnassi dìlicu
a li spondi
manteni comu in un chjusu
chista tarra antica
e ill’affagnà difendi
di pétra e rena
gjugna granéddu
cun gjilusia d’amanti
ch’ama
chena làccani cumpriti
in chiss’amà.
Lu so carignu la féri
e dì cun dì
come un mastru geniali
ni pinta ‘ita e folma
a manu di patronu
pal fa di li custéri
una curona
chi di splandóri abbaglia
ca’ l’ammira.
… E è chistu mari folti
chi a lu mattessi tempu
middi ‘olti ancóra
ha bramatu la timpesta
pal vidé
li ‘éli a ventu
e balchi navighendi,
gjenti in paltì
o gjenti a chi’ turrendi,
sèmini spaltu
illu sulchju arimutu
di l’ammentu
chi cóa di lu stragnà
lu fini sigrettu
di lu cunniscimentu.

MARE
(Confine del sentimento… volo di fantasia)

… Ed è questo mare forte/che nell’abbraccio delicato/alle sponde/tiene come in un recinto /questa terra antica/e nell’abbracciarla difende/di pietra e sabbia/ogni granello/con gelosia d’amante/che ama/senza confini definiti/nell’amare./La sua carezza la ferisce/e giorno dopo giorno/come un artista geniale/ne dipinge vita e forma/come desidera/per fare delle coste/ una corona/che di splendore abbaglia/chi l’ammira./… E è questo mare forte/che,allo stesso tempo,/ mille volte ancora/ha bramato la tempesta/per vedere/le vele al vento/e barche navigare,/gente partire/e gente ritornare,/seme sparso/nel solco remoto/dei ricordi/che nasconde del viaggiare/il fine segreto/della conoscenza.

Gianfranco Garrucciu