Tres ulibos tenzo in su giardinu
Unu est postu indunu vasu ‘e terra
Su secundu est creschenne induna serra
Su terzu est in s’oru ‘e su caminu.

Boccan ulibas birdes e nigheddas
Chi no arriban mai a drempire
Mariapiccas bi rebbottan die die
Non las istrean sas menzus trappuleddas.

Coccone cunnidu chin michina
Coeteddos e minzas sas bombettas
Lis appo propostu de rezzettas
Po las isfrattare cantu prima.

Bidu chi su remediu pariat vanu
E non beniat bene de attera manera
Pro no ammainare sa bandiera
Las appo isparadas dae manzanu.