Mascariglias loccas

Mascariglias loccas
nottesta
apo sonniadu a caddu
de caddos de fogu
currinde a s’isconcada
in sas carrelas tortas
de su mundu,
dei custu mundu
chena sinnu,
de annéu columu e penas.
E arlecchinos toncos
boghinaían dae barandiglias de fogu
truvende a frusciu
berbeghes tonconadas
andende a sa tzega
de isperas de paghe viudas

Rieían
mascariglias loccas
ballende
in sa falch’‘e sa luna
pitzinna
e pianghíat isteddos
su chelu,
isteddos rujos
chei su sámbene.

E deo chi chería
unu mundu ‘e allegria
cun pitzinnos riende
indeosados de sole
gioghende
allargu dae penas
chena connoscher piantu
ne làgrimas mai.

ANTONEDDU BAZZU

=================

Maschere folli

Maschere folli / stanotte / ho sognato cavalcanti / cavalli di fuoco / correndo dissennate / per le strade contorte / del mondo /
di questo mondo / privo di senno, / colmo di pene e affanni. / E arlecchini pazzi / urlavano da balaustre di fuoco /
spronando a fischio / pecore impazzite / camminando cieche / vedove di speranze di pace. / Ridevano / maschere pazze / ballando /
nella falce della luna / nuova / e piangeva stelle / il cielo, / stelle rosse / come il sangue. / Ed io che volevo / un mondo gioioso /
con fanciulli ridenti / bramosi di sole / giocando / lontano da pene / ignari del pianto / né lacrime mai.