Mi carignat s’alenu
de dies benidoras,
cun sas tramas insoro
cuadas
in pijas de su tempus,
cando colat pressosu,
trisinàndeche attesu
bramas e isperas
de ganas banduleras,
semenadas
in sa terra sidida
‘e veridade.

Mi carignat s’edade
chi prus non m’appartenit,
daesegus lassada
de montes ingroghidos,
attarzados
a bentos de traschia,
cando forte an suladu
subra sa cara mia
trempiruja,
cun ojos de pitzinnu,
créschidu e fattu mannu
prim’ ‘e s’ora.

Mi carignat ancora
s’ammentu e cussu ‘estire,
coloridu e pintadu
de frorigheddos rosa.
E fis tue, ermosa,
cando de te connotu
apo s’amore,
in sas dies chi fit
dìligu e friscu,
e gosadu su nuscu
de dies beraniles,
chi umbras atunzinas
m’an furadu.

26 marzo 2016

Mi accarezza…

Mi accarezza il respiro
dei giorni futuri,
con le loro trame
nascoste
in strati del tempo,
quando frettoloso trascorre,
trascinando lontano
desideri e speranze
di voglie vagabonde,
seminate
nella terra assetata
di verità.

Mi accarezza l’età
che più non mi appartiene,
lasciata dietro
montagne ingiallite,
temprate
a venti gelidi,
quando forte han soffiato
sul mio viso
con le gote rosse
e occhi di bambino,
cresciuto e diventato adulto
prima del tempo.

Mi accarezza ancora
il ricordo di quel vestito,
colorato e dipinto
di fiorellini rosa.
Ed eri tu, bella,
quando di te conosciuto
ho l’amore,
nei giorni in cui era
delicato e fresco,
e goduto il profumo
di giorni di primavera,
che ombre d’autunno
mi han rubato.

1°Premio alla 3^Edizione del “Prémiu de Artis Faustinu Onnis” SELARGIUS 18 giugno 2016