Mi naras paraulas
di Larentu Pusceddu

Mi naras paraulas
cun sapore de lentore
cando dilicada, che funtana,
daes sensu a sa bellesa
de sa Natura chi unit:
nuscu chi mai s'isbentiat
a sa malesa de sa vida.

Mi naras paraulas
cun sapore de lentore
cando su coro est tristu
e pro mi dare consolu
cando in chelu
non bido sos isteddos.

Mi naras paraulas
cun sapore de lentore
cando sa manu m'isseras in sa tua
e in sos ocros ti lezo su chi ses:
felitzidade e fortuna.

E peri cras tue, istima mia,
cando su fadu de sa betzesa
surcos t'at aberrer
in sa cara chi oe est aurora,
m'as a narrer paraulas
cun sapore de lentore.

( 7a classificada - zuria popolare, "Romangia" Sennori 1981)