Istèrrida

Fiza che Fiza ti apo tentu in coro
Su cantu bivo ti amo ancora
E pustis mortu ancora si podia
Po me non tenzo ateru tesoro
Ogni die ogni istante e ad ogn'ora
Solu tue po me ses Fiza mia
Mariu asa isposau a Vitalia
Sa famiglia po crasa as preparau
Meraviglia su tou necessariu
A Vitalia asa isposau Mariu
Sa famiglia po crasa as preparau
Mariu a Vitalia asa isposau
Preparau sa famiglia as po crasa
Mariu a Vitalia isposau asa
Po crasa preparau as sa famiglia
Su tou necessariu meraviglia
Produire cun brama dae nou
Meraviglia su necessariu tou
Po s'onore sa fama s'avvenire
Dae nou cun brama produire
Po s' avvenire s'onore sa fama
Produire dae nou cun brama
Duos Fizos de altu valore
Po s'avvenire sa fama s'onore
Duos coroso a vida uninde appare.

Primu fiore

S'aneddu ais postu in s'anulare
Zurande bos'amaisi ad ogni costu
Nande sia amorosu su faeddu
In s'anulare aisi postu s'aneddu
Zurande bos'amaisi ad ogni costu
In s'anulare s'aneddu aisi postu
Ad ogni costu zurande bos'amaisi
In s'anulare s'aneddu postu aisi

Bos'amaisi ad ogni costu zurande
Si amorosu su faeddu nande
S'isposa ogualmente a s'isposu
Nande si su faeddu amorosu
In su coro sa mente e in ogni cosa
S'isposu ogualmente a s'isposa
In ogni cosa in su coro e in sa mente
S'isposa cun s'isposu ogualmente
Confirmau han su matrimoniu insoro
In ogni cosa in sa mente e in su coro
Onore fide e paghe promittinde.

Prima retroga

Fiza che Fiza ti appo tentu in coro
………………………………….
Duos coroso a vida appare uninde.

Segundu fiore

De Babbu e Mamma prego ammentadinde
M'ispiego de coro sa fiamma
Non siades che moro sentza grabbu
Ammentadinde prego ' e Mamma e Babbu
M'ispiego de coro sa fiamma
Prego ammentadinde ' e Babbu e Mamma
Sa fiamma de coro m'ispiego
De Babbu e Mamma ammentadinde prego
M'ispiego sa fiamma de coro
Sentza grabbu non siades che moro
Si accettandes sa mia avvertentza
Non siades che moro grabbu sentza
Si s'avvertentza mia l'accettades
Sentza grabbu che moro non siades
Ca sa vida terrena est una ebbia
Si accettades s'avvertentza mia
Non zare a Babbu e Mamma dolu e pena
Ca una ebbia est sa vida terrena
E tottu est fumu e bentu sa naschida.

Segunda retroga

Fiza che Fiza ti appo tentu in coro
…………………………………
Duos coroso appare uninde a vida.

Tertzu fiore
Siada una virtude favorida
De santa paghe salude e fortuna
Tanta serenidade bosi diada
Favoride virtude una siada
De santa paghe salude e fortuna
Favoride virtude siada una
Fortuna santa paghe in salude
Siada favorida una virtude
Con salude virtude e paghe santa
E bos diada serenidade tanta
Disizos soddisfattos in cantidade
E bos diat tanta serenidade
A piaghere adattos sos fizos
In cantidade soddisfattos disizos
Sos fizoso a piaghere adattoso
Disizzos in cantidade soddisfattos
Custa sorte tenzedas in podere
E sos fizos adattos a piaghere
Filosofos artistas in decoro.

Tertza retroga

Fiza che Fiza ti appo tentu in coro
…………………………………..
A vida uninde appare duos coroso.

Ultimu fiore

Die santa de modestos ristoroso
Non sianta indigestos a sa pianta
Diant cuntentesa puru a mie
Sa famiglia po crasa as preparau
Meraviglia su tou necessariu
A Vitalia asa isposau Mariu
Sa famiglia po crasa as preparau
De modestos ristoros santa die
Non sianta indigestoso a sa pianta
De modestos ristoros die santa
A sa pianta non sianta indigestoso
Santa die ristoroso modestoso
Indigestoso a sa pianta non sianta
A mai puru cuntentesa dianta
Cun gentilesa s'onore sicuru
Dianta cuntentesa a mie puru
Cun s'onore siguru e gentilesa
Dianta a mie puru cuntentesa
Applaudinde e s'albergadore
Cun gentilesa e siguru onore
Pubblicidade cun vantos fainde
A s'albergadores applaudinde
Giudicandeddi sos meritos suoso.

Ultima retroga

Fiza che Fiza ti appo tentu in coro
……………………………………
Appare uninde a vida coros duoso.

Dispedida

Zare a sa moda mia sos congluoso
Amada cumpanzia arregoda
Si cada cosa mala a perdonare
Congluoso a sa moda mia a zare
Amada cumpanzia arregoda
Zare congluoso a sa mia moda
Arregoda amada cumpanzia
Zare congluoso a sa moda mia
Arregoda o cumpanzia amada
Perdonare si cosa mala c'ada
Tottu a pala hant s'isposu cun s'isposa
Perdonare si c'ada mala cosa
S'isposa cun s'isposu hant tottu a pala
Perdonare si c'ada cosa mala
Cun giuditziu dottu e amorosu
Tottu a pala han s'isposa cun s'isposu
Cun amorosu giuditziu dottu
S'isposa cun s'isposu a pala han tottu
Cun dottu e amorosu giuditziu
Auguro in persona a propitziu
E sa corona de lizos procuro
A propitziu in persona auguro
E procuro de lizos sa corona
Auguro a propitziu in persona
E sa corona procuro de lizos
De bonos e ubbidientes fizos
Influentese e de riccos donos
De ubbidientese fizoso e bonos
De donos riccos e influentese
De bonos fizos e ubbidientese
Influentese e de donos ricco’
Finire gosi custa moda cricco
Tenzedas in sa vida benes mannos
E godindeddos fintza a sos chent'annos.

Ardauli, su 15 de Cabudanni de su 1985

N.B. GIORNO DEL MATRIMONIO