Molestias sessuales
di Larentu Ilieschi

Oe finz'in materia de sessu
intran in lite maridu e muzere:
su chi fit prima dirittu-dovere
a boltas como passat pro ezzessu.

Unu chi a s'isposa s'est cunzessu,
cretende de li fagher piaghere,
podet perder de issa ogni podere
finende, pro pius, sutta prozzessu.

Duncas, pro evitare su pretore,
mezus chi siat prima istabilida
finzas sa funzione sessuale.

In su euntrami matrimoniale
prezisen cantas boltas a sa chida
han cuncordadu de facher s'amore.