Muntonarzu de Sardigna
di Gian Giuseppe Contini

Ite istoria et cultura tenese Sardigna
da Cartaginesos fenicios et moros.
Tottu cantos ti tenen in sos coros
po bellesa rara intrea tenes sinsigna.
Gherriana impadronindesi de sos logos
e s’isola intrea an lassadu in cunsigna
su territoriu cun su pasculu naturale
cun cazza e pisca, bellu sole e mare.

Oe invece in Sardigna sos potentes
inventana unu mannu istendardu.
Su duamizaotto de doighi ennarzu,
cunsensu dana certos sardos molentes
e faghene issare una nave muntonarzu.
Da Napoli cun sos militares ischentes
arrivana in portu sardu de casteddu,
po s’ismaltimentu de machiareddu.

Si sinde tiana a pesare sos fenicios
cartaginesos moros e veros sardos,
tian ponnere a bolare sos istendardos
po difendere bellesa e sacrificios.
Invece cumandana falzos e codardos
sa Sardigna offrini po pagos ispiciolos.
S’istoria terra de Sardigna tue cherese
salga regionale sardocampana ottenese.

Sardos tottu reagide, como a frearzu
ca a Portuturre, Oristanis e Olbia
arrivana atteras naves muntonarzu.

BOSA 13 GENNAIO 2008