| Mùtria
Ammentos,
cumpanzos de pitzinnia,
chèscias,
bisiones, increscos
e conas de carre.
Dae su cùccuru
si ch’est fuida
sa chejitta ‘e pedra nuda.
Su ‘entu s’at rosigadu sa prata
de sa campana ‘etza.
Pro sempre sas chevas
s’an ingullidu s’aradu.
Si morit su sole
chena pius colores
e sos ànghelos massajos
an pérdidu sas alas.
S’avréschida est de fumu
e sa luna discuidada.
Chìndulan in sa mente
fantàsimas de ninnijos
e torojos sonnidos
e isaboriados.
Mi rien in cara dae sas coberturas
rughes de televisione,
trainos de làgrimas
iscurren in sos bidros
e meda mùtria in coro.
Janas attripunzidas
si pintan son ojos
pro ingrangugliare
feminarzos a pèes in terra. |
Malinconia
Ricordi,
amici d’infanzia,
lagnanze,
visioni, rimpianti
e immagini reali.
Dal colle
è scomparsa
la chiesetta di pietra nuda.
Il vento ha rosicchiato l’argento
della vecchia campana.
Per sempre le zolle
hanno inghiottito l’aratro.
Il sole muore
senza più colori
e gli angeli contadini
hanno perso le ali.
L’aurora è di fumo
e la luna svogliata.
Nella mia mente si aggirano
fantasmi di nitriti,
e singhiozzi sonnolenti
e scialbi.
Dai tetti mi ridono in faccia
croci di televisione,
rivoli di lacrime
scorrono nei vetri
e tanta malinconia nel cuore.
Ninfe rugose
si danno l’ombretto
per sedurre
satiri spodestati. |
