Nadale 2010
di Giuseppe Concas

Pensadebei bene a su Nadale
no est solu a lu festare sentidu
chissà canta zente at cunvertidu
cambiande in bonu su morale.

Su criadore Babbu naturale
dada a Maria umile su nidu
ind’un’istalla pobera est naschidu
grutta pro su pitzinnu s’ideale.

Nadale pro s’innocente persighidu
e oppressu dae chie faghet male
ma de custoso una percentuale
‘onz’annu in die sua cunvertidu.

Azuamos su poberu sididu
in modu sinceru e fraternale
medasa in campu mondiale
in die oe ana animas nutridu.

E volontariosos an’assistidu
cunvalescentes chi dae s’ispidale
solos chi a terra est su morale
finas chi est su corpus guaridu.

Su vintighimbe pro sumanidade
Nadele s’eventu l’ammentamoso
devotos sun sos carceradoso
isperan pregan pro sa libertade.

A superare sa difficultade
azuadoso e non trascuradoso
ei sos’antzianoso rispettadoso
festa ’e su Nadale est caridade.

E allegros sas campanas sonade
cun affettu dae coro generososo
de s’Ispiritu Santu distimonzoso
Babbu e Fizu pro sa veridade.

Unidos pregamoso e pregade
non solu s’ora e sos bisonzoso
ma che santoso isposonzoso
ca est de tottu sa felicidade.

Comente in terra e in s’eternidade.

Bolotana, 20-12-2010