Tottu sos poetas dae su Parnasu
son pulinde sos versos in sa lissia
po che todde rancores e malissia
a custu mundu tostu chei su erru
sos tres rios alluttos de s’ifferru
est vardande Pandora dae su vasu
e unu versu che lampu hat‘iscuttu
chi su Nadale non b’idat curruttu.

Custu Nadale siat chei su primu
drinnat interi s’anima su coro
e Maria lu chilliet su tesoro
cantande torra arcanas sas aeras
donzi pessone ruchet sas gaberas
fachende de sa ruche torra sinnu
una arcana culumba fache fache
si poset torr’in terra po sa pache.

Bonu Nadale a tottu.