NARACHI NIEDDI

Chelchi sfruniti,
piggjati a la ‘ulintai
di lu maistrali
e suari spalti,
come parei abbalti
di pécuri ammiriacati.
Pianuri biundi, sicchi,
brusgiati da la bura
di lu stiu
e ill’orizzonti,
tutt’in gjiru,
ill’aspri punti
di l’Anglona
narachi nieddi.
Valdiani antichi
d’un locu paldutu,
caalieri di gherri,
chena ‘incidori e vinti,
sempri a cabaddu
illi cristi ameni.
Subbrastanti muti
di foresti di pétra
aspettani gjugna dì
chi lu soli,
affac’a mani,
èntria, abà chi po’,
da li cupalturi mancanti,
ill’ìntimi ruignóli,
di li semiti strinti,
illi passaggj umbrósi
chi poltani a li stanzi
friti e ùmidi di muffa.
Narachi niéddi,
chena ‘ita,
pucioni bulati
cu lu ‘ngannu,
da sécculi priati
di lu calóri di l’omu
aspettani lu sóli
pal turrà a nascì.

NURAGHI NERI

Querce di rovere sfrondate,/piegate alla volontà /del maestrale/e sughere sparse,/come ombrelli aperti/per le pecore al meriggio./Bionde pianure, secche,/bruciate dal calore infernale/dell’estate/e nell’orizzonte,/tutto intorno,/nelle aspre punte
dell’Anglona/nuraghi neri./Guardiani antichi/di un posto perduto,/cavalieri di guerre/senza vincitori e vinti,/sempre a cavallo/sulle creste amene./Soprastanti muti/di foreste di pietra/aspettano ogni giorno/che il sole,/all’alba,/entri, adesso che può,/dai tetti mancanti,/negli intimi cunicoli/dei camminamenti stretti,/nei passaggi ombrosi/che portano alle stanze/fredde e umide di muffa./Nuraghi neri,/senza vita,/come uccelli fuggiti/per un inganno,/da secoli privati/del calore dell’uomo/aspettano il sole/per rinascere.

Gianfranco Garrucciu