Neas di abisai
di Rosanna Podda

E candu arribat sa noti
in su scurìu callau de is oras
chi apicadas abarrant mudas
po ascurtai dudosas
s’alenu cantzau
de sa dì longa chi fuit.
Su sonnu puru svanessit
po ponni avatu a is bisus
chi misteriosus s’acùant
cumossendi contus
i arremonius de vida
de cumponni di atobius
fadaus...di amoris ecisaus
i amigus bolaus...chi torrant
po essi’ impari ancora
a s’arregodai chi a s’ora
si seus meda stimaus.
Calincun’orta fintzas primaus
e dopu tretus de stesiu
si seus poi apaxiaus.
Intra bill’e sonnu
torrant a pillu surrùngius
e soledadis nobas.
A raru est bellu su torrai agoa
ma in bisu s’iat a podi
curregi dònnia sballiu
dònnia cosa passàda
chi prenendisì de dolu
no est andada a gustu nostu.
Su sonnu chi giungit donosu
parit chi pongat totu a postu
e unu discantzu sullenu
condusit atressendi is oras
conc’a neas di abisai.

Albe da inventare /E quando arriva la notte/nel buio denso delle ore/che appese restano mute/per ascoltare dubbiose/ il respiro stanco/del lungo giorno che fugge./Anche il sonno svanisce/per inseguire i sogni/che misteriosi si celano/amalgamando storie/e ricordi di vita/da comporre di incontri/magici...d’emozioni d’amore/e amici volati...che tornano/per essere insieme ancora/a ricordarci che allora/ci siamo molto amati/Qualche volta anche risentiti/e dopo tratti di lontananza/abbiamo fatto pace./Nel dormiveglia emergono rimpianti/e nuove solitudini/è raro che sia bello tornare indietro/ma in sogno si potrebbe/rimediare a ogni sbaglio/a ogni cosa passata/che dandoci dolore/non è andata come volevamo./Il sonno giunge leggero/sembra che sistemi tutto/ed un sollievo lento/conduce passando per le ore/verso albe da inventare.

Prima classificata - Premio “ Melodie nell’anima “ Uta 2012