Niada

Tronat e lampat! In iras s’aèra
a su frittu minettat sa niada
‘Ogni carrela est muda diventada
e anima non s’idet in passera!

Solu sa campana ‘e cheja manna
s’intendet ‘ogni tantu a passu lentu
contendelas sas oras e su ‘entu
urulende mi bussat in sa janna.

S’inchimerat su sero: a s’iscurore
paret notte! Ma in s’innida tanca
su nie falat, falat e bianca
diventat sa natura a su rèmore.

Como est tottu mudesa! In sos pinnettos
de sas cussorzas s’idet fumu ’ essinde,
signales chi su fogu b’est teninde
a sulidos de penas e aprettos.

‘Ogn’ama l’han regolta in su ‘acchile
e vijulat su cane attentamente
chi sas francas de feras o de zente
non bi fetat bardana in su cuile.

Intantu sighit a falare muda
sa fiocca, cun sos diligos bolos
los isterret sos candidos lentolos
fin’a candu est sa notte a moristuda.

Est avreschinde ! Sa lughe s’accherat
a palas de su monte ‘estidu ‘e canu,
sutta su nie sonniat su ranu
già fatt’a pane ch’in bucca esserat.

S’alzat su sole lughidu e s’ispazat
in sos riflessos chi su nie imbiat
e su candore ch’innanti s’ ‘ idiat
in abbas nettas sos rios che trazat.

Torran birdes sas tancas! Tottu torrat
serenu, sa niada est ammentu.
… Ma in s’anima mia unu turmentu …
bramat sas laras chi ‘asos li porrat!

Nevicata

Tuoni lampi scuotono il cielo
e il freddo minaccia nevicata.
‘Ogni carrela est muda diventada
e non si vede anima passare.

Solo la campana di chiesa
si sente a rintocco lento
segnando le ore, e il vento
ululando mi bussa alla porta.

S’inquieta la sera e dall’oscurità
Nella vergine tanca
la neve scende, scende e bianca
diventa la natura alla tempesta.

Ora tutto è silenzio! Nei capanni
dell’agro si nota il fumo uscire
segnala che c’è il fuoco che arde
soffiato da pene e da tormenti.

Le gerggi le hanno raccolte nel recinto
ed il cane vigila attentamente
che fauci di animali. o della gente
faccia razzia nell’ovile.

Intanto continua a scendere muta
la neve, con delicati voli
stende candide lenzuola
sin quando la notte è moribonda.

Sta albeggiando, la luce si affaccia
dalle spalle del monte vestito di bianco,
sotto la neve il seme sogna
di esser già diventato pane nelle bocche.

Si alza lucido il sole e si pavoneggia
nel riflesso che la neve invia
e il candore che prima si vedeva
in acqua cristallina trascinano i ruscelli.

Ritornano verdi i tancati ! Tutto ritorna
la nevicata è un ricordo.
Ma nell’anima mia un tormento
brama le labbra che porgano baci.