Retzidu amus sempre dae te
prus donos de cantos ti nd’amus
torradu. Ma tue chi nuscas

de murta e gatò, nos cumassas
alènida e ràngulu e mai
t’est dòfida in coro ne deris

ne oe (o forsis asì nos
est pàrfidu a bortas) sa nostra
manera istraòrta e guvarda

de t’èssere fizos. Ammenta…
bardanas luntzinas a furas
de brunzu eternale e turres

derrutas in silvas faladas
a serra a mudare ismeraldos
de litu in nieddu carvone.

E ru cun ispinas de ferru
a chìnghere chelos de Quirra
cun tzôs d’amiantu e gantzos

d’uranu chi istraman percalles
e tulles d’arvèschidas nidas
in nuntas de frores e nues.

Iscurta sas tzàchidas surdas
de bùrveras chìmicas proer’
in prùere luas ch’atoscan

aèras. E milli peutas
lizeras de ae isvanire
in pojos de nàfata e rastras

de carros armados in ràglia.
Atesu…carasos de betzas
indùstrias bizan in oros

de mare. E paran orija
a s’ancu notenu chi ischidat
sos ninnos de Domus Noas e

muitzu lis mùet a cale
ricatu sos babbos issoro
an dèvidu tzèder’. Ma tue

annìnnalis ledres cantones
de folas e rèzedi bia
pro dare aconòrtos a zentes

in fua. Chi istranzos noales
ancora as a chèrrer’ retzire
in notes de cras, Terra mia

_____________

Bimbi di Domus Novas

Sempre abbiamo ricevuto da te
più doni di quanti te ne abbiamo
restituito. Ma tu che profumi

di mirto e gatò, ci gramoli
rabbia e respiro e mai
il tuo cuore ha sofferto ne ieri

ne oggi (o forse così a
volte ci è parso) la nostra
maniera maldestra e codarda

di esserti figli. Ricorda...
bardane crudeli a rapina
di bronzi diuturni e torri

sbrecciate in foreste abbattute
ad ardere fronde
smeraldo in nero carbone.

E rovi con spine di ferro
a cingere cieli di Quirra
con chiodi d’amianto e ganci

d’uranio che stramano tulle
e percalle di candide albe
in nozze di nuvole e fiori.

Ascolta i sordi boati
di chimici ordigni piovere
in polverosi veleni a corrompere

’aria. E mille impronte
leggere di uccello svanire
in pozze di gasolio e tracce

di carri armati in fila.
Lontano…rovine di vecchie
industrie vegliano sull’orlo

del mare. E ascoltano
l’ansia notturna che sveglia
i bimbi di Domus Novas e

subdola, bisbiglia, a quale
ricatto i loro padri
hanno dovuto cedere. Ma tu

cullali con mottetti
di fole e tieniti viva
per dare conforto a moltitudini

in fuga. Che ospiti nuovi
vorrai ancora ricevere
nelle notti di domani, Terra mia.

I^ classificada a su prèmiu Peppinu Mereu de Tonara 2021. A mezoru de s’isrèrrida publicada in su lìberu de su cuncursu.