NO FIA INVITADU
di Mimmia Soro

Cara Giuanna ite ses pensende,
pruite faeddas cun su fele in laras,
continu versa lagrimas amaras
ma chi ti est su male causende?

A bortasa ti mustras pianghende
ma de istare allegra cando imparas?
Si ti naro su giustu, no mi naras
cun sas denres serradas frastimende.

Tue ti has su male causadu
e cheres benner deo a ti sanare
ma no cretas in zertas fesserias.

Ormai est cummissu su peccadu
e no giuat piusu a bi pensare
mezusu sanen cussas maladias.