NO LI PONZO TROPEAS A SU CORO
(Menzione al Premio di Poesia di Oniferi)

No ponzo troppeas a su coro
Ne lacanas li muro o naro frimma
De bandire a su mundu canta istima
L’appo a su criadu e m’innamoro
De sas prus raras bellesas issoro
S’impuddile denantis lu cunfirma.

Prite mi nades ches tottu e frundire
Ches tottu iscuru i chi sa lughe est lampu
Tremene est tottu e chi nudda bat campu
Pro nudda gosu ma tottu pattire
A mie parede in su pagu ischire
Chi dognia cesura cesura ada unu giampu

E tando est tottu bisu su gosare
Una notte isteddada e’ luna prena
Una pizzinna chi canta serena
Una barchetta lassinande in mare
Sa dulche gardulitta ciulare
Su murmuriu dun’unda piena

Unu campu froriu allentorau
Su massaju dun’ape operosa
Delichiu e caente dun’isposa
Unu vasu un’abbrazzu accalorau
Dulches promissas de s’innamorau
Reina as’esser e mamma dizosa.

A cantos che a mia ana in sa cara
Su sinnu de su tempus sos anneos
Lis ammento de gososo e recreos
Chi da s’ammore e su risittu in lara
De calchi nepodeddu cando impara
Su chi l’appo imparadu a fizos meos.

Cale forzas noales de sa terra
Amade a bois e su mundu amade
Si bat serpes istrada cambiade
Non droga, non odios, non guerra
In montes in pianos e in serra
De su criadu godide e cantade.

Salvatore Ladu