NO MI SO ISMENTIGADU

Pro chi no t'hapo iscrittu prontamente
Foricu no mi so ismentigadu
ca fitianu t'hapo in coro e mente,
Anzis como pius de in passadu
ti so vicinu e ti prego costane
ca ses che deo unu fizzu emigradu.
E da chi tenzo tempusu abundante
benzo a t'apagare su disizu
pro chi no sia, Petrarca e ne Dante.
E mancu a Gavinu hapo assimizu
mi onoro de l'essere paesanu
pro chi no conte mancu in su coizu.
Gavinu teniat sempre a sa manu
sa rima eloquente tantu amada
chi had'inalzadu s'onore Isolanu.
Issu l'hat che matrona presentada
in Roma, in Milanu e in Turinu
da tottu aplaudida e premiada.
E Siligo ite hat fattu pro Gavinu?
ch'in vida teniat unu talentu
fizzu de cussu nobile terrinu.
Caru Foricu, tenelu in ammentu
e che deo protesta cun vigore
pro chi Siligo intendat su lamentu.
E a Gavinu diat s'altu onore
de l'inalzare unu monumentu
ca fit de sos mazzores, su Mazzore.

Mimmia Soro (Olanda 1985)