| No t'arrefudist
a sa vida
Candu ti parit
chi totus t'apant traixu
e is bisus si perdint giai a mengianu
in sa cìcara 'e su cafei,
candu no bis prus luxi
nimancu faci a soli
e allupas is isperas in d-una tassa,
candu in mesu a sa genti
t'intendis nisciunus
e candu ses a solu
t'intendis abandonau,
candu no scis donai colori a unu frori
e no intendis su cantu de su creau,
candu s'arressìnniu t'inserrat
in d-una càbia sentza 'e bessida,
candu po cumpàngius
tenis sceti sa tristura e su disisperu
e su coru parit chi si siat amachiau
fintzas a ti fai amancai su sùlidu:
arrebelladì, arregolli totus is arrogus
de dinnidadi stramancada,
prenidì sa peddi e s’anima
de strioris de vida,
sega is cadenas
chi ti pertungint sa menti,
liberadì de su scroxu ‘e s’arressìnniu.
In foras no nc'est sceti
sa malidadi chi fait carraxu,
nc’est sa poesia de s'esistèntzia,
su spantu de s’amori;
melodias casi citias
carinniosas che circhiollas bàrgias
prontas a t’imprassai… a t’arriciri.
Fuidì de cussa càbia,
beni…
no t'arrefudist a sa vida. |
Non rifiutarti
alla vita
Quando ti sembra
che tutti ti abbiano tradito
e i sogni si perdono già al mattino
nella tazza del caffè,
quando non vedi luce
neppure se sei di fronte al sole
e affoghi le speranze in un bicchiere,
quando, in mezzo alla gente,
ti senti nessuno
e quando sei solo
ti senti abbandonato,
quando non sai dare colore a un fiore
e non senti il canto del creato,
quando la rassegnazione ti rinchiude
in una gabbia senza uscita,
quando per compagne
hai soltanto la tristezza e la disperazione
ed il cuore sembra che sia impazzito
fino a farti mancare il fiato:
ribellati, raccogli tutti i frammenti
di dignità smarrita,
riempiti la pelle e l’anima
di brividi di vita,
spezza le catene
che ti corrodono la mente,
liberati dalla crosta della rassegnazione.
Fuori non c’è solo
la malvagità che fa frastuono,
c’è la poesia dell’esistenza,
lo stupore dell’amore;
melodie quasi silenziose
carezzevoli come arcobaleni variopinti
pronte ad abbracciarti… ad accoglierti.
Fuggi da quella gabbia,
vieni…
non rifiutarti alla vita. |
