No t'hapo ismentigadu terra mia

Cara terra no t'hapo ismentigadu
ca t'istimo e ti adoro
ti tenzo intro su coro
pro chi sia vint'annos emigradu,
ca sa vida m'has dadu
e de t'essere fizzu mi nde onoro,
in dogni circostanza
ca de torrare tenzo s'isperanza.

No t'hapo ismentigadu,ca continu,
nde sento su calore,
de su maternu amore
c'hapo nutridu da sende bambinu.
Cando in su tou sinu,
hapo connotu gioja e dolore.
E che Mama amorosa
t'amo pius de ogni atera cosa.

No t'hapo ismentigado Monte Santu,
ca das binu e laore,
pastura a su pastore,
e ses de sa natura veru incantu.
Eo m'ammento ogn'intantu
lagrimas de suore
cantas nd'hapo versadu
cando a sa punta tua so pigadu.

No t'hapo ismentigadu,canta pena,
mi turmenta sa mente
e suffro immensamente
isconsoladu in custa terra anzana.
E che abba serena
verso amaramente
lagrimas de nostalgia,
No t'hapo ismentigadu o terra mia.

Mimmia Soro(Olanda 1977)