Serran sas iscolas
e ch’istudan
donz’ispera,
lu graman
progressu !!
S’irmentigan
chi s’iscola
es cultura,
istoria,
identitade.
Su logu
in umbe naschin
cussenzias
e ommines
de crasa.
Pro donz’iscola serrada
bad’una idda
chen’isettu,
su distinu
signadu.

Intro sos palatos,
attesu dae sa zente,
no ischini
su chi semmus
perdende.
In sas biddas,
unu lamentu forte
de mamas
e pizzinnos,
l’intendo finzas meu.
Non bastan
custos versos,
ma sa poesia
es libertade,
bolad’in artu!!