Non mi lessas dechìda poesia...
A sinu mei lassa chi t'istringa,
Cun amore e afetu chi ti chinga,
Che un'isposa fdele e sintzera
Cun tegus trubo nues in s'aera,
Ca s'orizonte pulidu cheria.

Beni sempre che rundine in beranu
Non mi lesses donosa in abbandonu.
Ma de versos fungudos faghe donu
A custa drommidora mente mia,
Già chi sas rimas sena poesia
Sun comente ispigas sena ranu.

Regala unu poe cu cuntzetu
Pro lu dare a chie tenzo in coro,
Una ghirlanda cun perlas de oro
Pro la dare a sa mia zente cara,
Sos chi mustradu m'an is ma rara
E m'an dadu mareas de afetu.

Cando ti tenzo a su fancu meu
Canto che-i sa 'ena 'e sa funtana,
Comente bèdra, a sa Musa galana,
Mi ligo, ca la cherzo in cumpagnia
E si so in sos bratzos de Talìa
Non mi mancan isperas nen recreu.

Ba mi canta rena b'at in mare
Carignos, da in ue totu sunu,
Pro los dare a sos fzos de niunu
Sos chi connotu no an un'amparu,
Orfanos de s'afetu pius caru
Ca mama, no an pò du abbratzare.

Dami versos de paghe e assulenu
Pro frimmare sos bentos de s'airu,
Sos chi nd'imbolan cantu b'at in giru,
E-i sa terra de samben infunden,
Batan solu amistade, no abbunden,
Disamistades, odiu e velenu.

Segnalazione Sezione Sardegna - Concorso di Poesia Sarda “Istillas de lentore” - Ulassai, 2013